MRAAKA तर्फे मा.अजीज शेख साहेब, आयुक्त, उल्हासनगर महानगर पालिका व असोसिएशनचे ज्येष्ठ उपाध्यक्ष यांची भारतीय प्रशासकीय सेवा (आय. ए.एस.) या भारतातील सर्वोच्च प्रशासकीय सेवेमध्ये नियुक्ती झाल्याने मा.महोदय यांचे शाल व बुके देवून सपत्नीक व कुटुंबीयांसह सत्कार

महाराष्ट्र राज्य अलपसंख्याक अधिकारी कर्मचारी असोसिएशन तर्फे मा.अजीज शेख साहेब, आयुक्त, उल्हासनगर महानगर पालिका व असोसिएशनचे ज्येष्ठ उपाध्यक्ष यांची भारतीय प्रशासकीय सेवा (आय. ए.एस.) या भारतातील सर्वोच्च प्रशासकीय सेवेमध्ये नियुक्ती झाल्याने मा.महोदय यांचे शाल व बुके देवून सपत्नीक व कुटुंबीयांसह सत्कार करणेत आला.

सर्वप्रथम मा.सरांचे पिताश्री मा.हाजी करीम शेख साहेब यांचा शाल व बुके देऊन मा.डॉ.सादिक पटेल साहेब यांचे हस्ते यथोचित सत्कार करणेत आला.

महाराष्ट्र लोकसेवा आयोगाकडून घेतल्या जाणाऱ्या स्पर्धा परिक्षेमधून मुख्याधिकारी नगरपालिका या राजपत्रित अधिकारीपदी १९९३ साली नियुक्त होवून आपल्या कारकिर्दीीला प्रारंभ केला.

मा.सरांची प्रेरणा घेऊन अनेक उमेदवार वेगवेगळ्या शासकीय खात्यात अधिकारी झाले .खर म्हणजे मा.सरांनी प्रशासकीय सेवेमध्ये कार्यरत राहून भारतीय प्रशासकीय सेवेमध्ये (आय. ए.एस.) मध्ये नियुक्त होऊन महाराष्ट्राच्या नगरविकास विभागामध्ये इतिहास घडविला त्याचबरोबर महाराष्ट्राच्या इतिहासात अल्पसंख्याक समाजामधून प्रशासकीय सेवेमध्ये आय. ए.एस.या पदापर्यंत गवसणी घालून यश प्राप्त करणारे पहिलेच (PIONEER) अधिकारी.

प्रशासनामध्ये कार्यरत राहून शासनाप्रती व कामाप्रती असलेला त्यांचा प्रामाणिकपणा, कठोर मेहनत करण्याची वृत्ती, समाजाप्रती असलेली त्यांची सामाजिक बांधिलकी, प्रशासनात वरिष्ठ अधिकारी यांचेबरोबर असलेले उत्तम संबंध, सहकारी व अधिपत्याखालील अधिकारी कर्मचारी यांना सकारात्मकतेने व निस्वार्थीपणे करत आलेले मार्गदर्शन यामुळे मा. सरांना यशाच्या शिखरावर पोहोचता आले.

” म्हणूनच मा.सर आमच्यासाह अनेकांचे प्रेरणास्रोत, आधारस्तंभ, मार्गदर्शक, हितचिंतक व मित्र या भूमिकेत आहेत याचा निश्चितच आम्हास अभिमान वाटतो.”

या सत्कार प्रसंगी मा.सरांचे पिताश्री मा.हाजी करीम शेख साहेब यांची विशेष उपस्थिती होती.
याचबरोबर मा.सरांचे कुटुंबीय उपस्थित होते.

याशिवाय मा.डॉ.सादिक पटेल साहेब, गुणश्री प्राध्यापक व माजी विभाग प्रमुख, जे जे.हॉस्पिटल (मुख्य आश्रय दाता), मा.एजाज नकवी साहेब, माजी संचालक, लेखा व कोषागारे, महाराष्ट्र राज्य (मुख्य मार्गदर्शक) यांची विशेष उपस्थिती होती.

याशिवाय या प्रसंगी श्री.हाजी जतकर , राज्यकर उपायुक्त, वरिष्ठ श्रेणी (अध्यक्ष), श्री.मोहम्मद युसुफ निशाणदार, माजी कार्यकारी अभियंता, सिडको (उपाध्यक्ष), श्री.अशफाक शेख, माजी सहायक संचालक, नगरविकास विभाग (सरचिटणीस), श्री.नजीर शेख, माजी राज्यकर उपायुक्त (चिटणीस), श्री.गफार मगदूम, कार्यकारी संचालक, मौलाना आझाद आर्थिक विकास महामंडळ (सदस्य), श्री.यासीन मापारा,कार्यकारी अभियंता, सिडको (चिटणीस), श्री. सुहेल खान, माजी कार्यकारी अभियंता , सिडको (सह खजिनदार), डॉ. पिरसाब अत्तार, प्राध्यापक, व्ही.जे. टी.आय.(सदस्य), श्री. असिर शेख, सहायक राज्यकर आयुक्त (चिटणीस), श्री.इम्रान नाईकवाडी, सहायक राज्यकर आयुक्त (सदस्य), श्री. हारून इनामदार, उप अभियंता, कल्याण डोंबिवली महानगरपालिका (सदस्य), श्री. नासीर खान, अधीक्षक,बी.एम. सी.(सदस्य), श्री.इम्रान मुजावर, राज्यकर अधिकारी (सह खजिनदार), श्री.अब्दुल्ला खान, प्राचार्य (सदस्य), श्री. सरोश भुरे, मुख्याध्यापक (सदस्य), श्री.कय्यूम दाखावे, मुख्याध्यापक (सह खाजिनदार), श्री.अखलाख शेख , पदवीधर शिक्षक, श्री.फारुख खाटीक,पदवीधर शिक्षक (सदस्य), श्री.सय्यद इस्माईल, पदवीधर शिक्षक (सदस्य) , श्री. सैफुल्ला खान, नामवंत उद्योगपती (हितचिंतक), श्री. अफजलभाई (हितचिंतक) , श्री.नौफिल सय्यद, उद्योगपती (हितचिंतक) हे उपस्थित होते.

मा.अजीज शेख साहेब यांनी स्वतः आपुलकियुक्त भावनेने उपस्थित सर्वांना शाल देऊन यथोचित सन्मान केला.

या छोटेखानी कार्यक्रमासाठी श्री.नासीर खान व श्री.फारुख खाटीक यांनी सूत्र संचालन केले व श्री नजीर शेख यांनी आभार प्रदर्शन केले.