महाराष्ट्र राज्य अल्पसंख्याक अधिकारी – कर्मचारी पगारदार व निवृत्तीधारक क्रेडिट को-ऑप सोसायटी स्थापन करण्या साठी अभ्यास दौरा

महाराष्ट्र राज्य अल्पसंख्याक अधिकारी व कर्मचारी असोसिएशन (MRAAKA) तर्फे पदाधिकाऱ्यांनी राहत को-ऑप. क्रेडिट सोसायटी, भिवंडी यांच्या कार्यालयाला भेट देऊन, शून्य व्याजदरावर समाजाभिमुख पद्धतीने सोसायटी अत्यंत यशस्वी आणि सुरळीतपणे चालवत असल्याबद्दल मनःपूर्वक अभिनंदन केले. या बैठकीस श्री. शाहीन तसेच इतर दोन संचालक उपस्थित होते. श्री. शाहीन यांनी राहत को-ऑप. क्रेडिट सोसायटीची रचना, कार्यपद्धती आणि उद्दिष्टे अतिशय मुद्देसूदपणे स्पष्ट केली.

असोसिएशनची मार्गदर्शक पुस्तिका व डायरी राहत को-ऑप. क्रेडिट सोसायटीच्या मान्यवर संचालकांना सादर करण्यात आली. मा. श्री. हाजी जतकर, अध्यक्ष – MRAAKA यांनी शासकीय कार्यालयांशी संबंधित कोणतेही काम असोसिएशनमार्फत पूर्ण सहकार्याने पार पाडले जाईल, अशी हमी दिली.

राहत क्रेडिट सोसायटी, भिवंडी यांच्या संचालकांनी असोसिएशनच्या शुभेच्छा आनंदाने स्वीकारल्या आणि सामाजिक जबाबदारी म्हणून “महाराष्ट्र राज्य अल्पसंख्याक अधिकारी-कर्मचारी पगारदार व निवृत्तीधारक क्रेडिट सोसायटी” स्थापन करण्यासाठी संपूर्ण सहकार्य व मार्गदर्शन देण्याचे आश्वासन दिले.

यानंतर MRAAKA चे अध्यक्ष आणि पदाधिकाऱ्यांची टीम भिवंडी भेटीदरम्यान अल-नूर एज्युकेशन सोसायटी, भिवंडी येथे आयोजित बैठकीत सहभागी झाली. या बैठकीस ठाणे MRAAKA चे पदाधिकारी, शिक्षणतज्ज्ञ, विविध शाळा-महाविद्यालयांचे प्रमुख, मुख्याध्यापक तसेच शिक्षक मोठ्या संख्येने उपस्थित होते.

MRAAKA अध्यक्षांनी उर्दू भाषेतील राष्ट्रीय स्तरावरील पुरस्कार प्राप्त केल्याबद्दल श्री. साजिद सर आणि श्री. फहीम सर यांचा सत्कार करून विशेष गौरव केला. उपस्थितांना मार्गदर्शन करताना मा. श्री. हाजी जतकर सर यांनी MRAAKA टीचर्स सेल स्थापन करण्याबाबत सविस्तर माहिती दिली. तसेच “महाराष्ट्र राज्य अल्पसंख्याक अधिकारी-कर्मचारी पगारदार व निवृत्तधारक क्रेडिट सोसायटी” स्थापन करण्यासाठी सामूहिक सहभाग अत्यंत महत्त्वाचा असल्याचे त्यांनी अधोरेखित केले. MRAAKA ची कार्यक्षमता वाढवण्यासाठी तसेच सामाजिक उन्नती साधण्यासाठी संघटनात्मक बळकटी (cadre building) निर्माण करण्याची तातडीची गरज असल्याचेही त्यांनी स्पष्ट केले.

या महत्वपूर्ण प्रसंगी खालील मान्यवर उपस्थित होते —
श्री. हाजी जतकर, माजी राज्यकर सहआयुक्त (संस्थापक अध्यक्ष);
श्री. नजीर शेख, माजी राज्यकर उपआयुक्त (चिटणीस);
डॉ. पिरसाब अत्तार, सहाय्यक प्राध्यापक, व्हि.जे.टी.आय.मुंबई, (चिटणीस);
श्री. दस्तगीर मुल्ला, माजी स्टेनो, सेशन कोर्ट मुंबई (खजिनदार);
श्री. अय्यूब शेख, लेखापरीक्षक – क्रेडिट सोसायटी;
श्री. अखलाक शेख, शिक्षक (सदस्य);
श्री. हैदर शेख, सहकार अधिकारी (सदस्य);
श्री. सरोज भुरे, निवृत्त मुख्याध्यापक (अध्यक्ष, ठाणे MRAAKA);
श्री.सादिक सिद्दिकी, मुख्याध्यापक (सदस्य),
श्री.जिया उर रहमान, प्राचार्य (उपाध्यक्ष, ठाणे जिल्हा ).
श्रीमती केसर ढोले, मुख्याध्यापिका (सदस्या).
श्रीमती तब्बसुम मोमिन,
मुख्याध्यापिका (सदस्या),
श्री.मजीद शेख, पदवीधर शिक्षक (सदस्य).
श्री. फारुक खाटीक, शिक्षक (सचिव, ठाणे MRAAKA);
श्री. फहीम, शिक्षक (सदस्य).
श्री.अब्दुल अजीज, पदवीधर शिक्षक (सदस्य),
श्री.अब्दुल रहमान,पदवीधर शिक्षक (सदस्य),
श्री.मोहम्मद मौलाना कासमी , आरोग्य निरीक्षक, महानगरपालिका (सदस्य),
श्री.फहीम मोमिन,पदवीधर शिक्षक (सदस्य),
श्री. गौस इनामदार, वरिष्ठ लिपिक (सदस्य).
हे उपस्थित होते.